Trjónbrúsi í tjörn yzt á Tjörnesi árið 1982.
Blöð trjónubrúsans eru flöt,
bandlaga, 6-50 sm á lengd, þau neðri lengri og 2-5 mm breið, þau efri
(stoðblöðin) styttri, 6-10 mm breið við fótinn. Blómin eru í hnöttóttum
kollum sem oft rísa örlítið upp frá yfirborðinu, karlblóm í þeim efstu,
en kvenblóm í 2-3 þeim neðri. Neðstu kollarnir eru oft á löngum stilk.
Blómhlífarblöðin eru himnukennd, brúnleit, lítið áberandi. Fræflar eru
þrír í hverju karlblómi. Frævur kvenkollanna verða að egglaga, 4-6 mm
löngu aldini með alllangri trjónu. Fullþroska kvenkollar eru 1-1,5 sm í
þvermál.
Trjónbrúsi í tjörn yzt á Tjörnesi árið 1982.