er háfjallajurt sem
er mjög algeng eftir að komið er upp í um 700 m hæð á fjöllum, við
norðurströndina og á öðrum útkjálkum vex hún oft neðar. Hún hefur
allmörg blómhnoðu sem standa á enda sérlega grannra stilka. Hún
getur fljótt á litið líkst vallhæru, en þekkist bæði á hinum grönnu
stilkum blómskipunarinnar, og á mun mjórri laufblöðum, og svo er hún
ætíð lágvaxnari en vallhæra. Vallhæra finnst oftast ekki í þeirri
hæð sem boghæran vex, því hún finnst sjaldan ofar en í 500-600 metrum.
Fjallhæra er náskyld boghæru, og oft hafa þær verið taldar til sömu
tegundar sem þá hefur verið skipt í tvær deilitegundir.
Blómhlífarblöðin boghærunnar eru sex, dökkbrún,
himnukennd, hvassydd. Fræflar eru sex. Frævan er með einum stíl og
þríklofnu fræni. Stráið er sívalt. Stoðblaðið er venjulega örstutt, í
mesta lagi 5-10 mm. Stofnblöðin eru rennulaga, 1-2 mm breið, oddhvöss,
oftast með nokkur löng hvít hár neðst við blaðfótinn.
Myndin af boghæru er
tekin í Þjórsárverum sumarið 1983
