Dagur hinna villtu blóma 

 

 

 

 

 

 

 

 

 

Tenglar inn á fyrri blómadaga:

Blómadagurinn 2017

Blómadagurinn 2014-2016

Blómadagurinn 2013

Blómadagurinn 2012

Blómadagurinn 2011

Blómadagurinn 2010

Blómadagurinn 2009

Blómadagurinn 2008

Blómadagurinn 2007

Blómadaguirnn 2006

Blómadagurinn 2005

Blómadagurinn 2004 

 


Dagur hinna villtu blóma

17. júní 2018


Dagur hinna villtu blóma verður næst haldinn sunnudaginn 17. júní árið 2018. Á degi hinna villtu blóma gefst fólki víðs vegar um landið kostur á að fara í tveggja tíma gönguferð um nágrenni sitt án endurgjalds, og fá leiðsögn um algengustu plöntur sem þar vaxa.

Flóruvinir og aðrir sem eru reiðubúnir til að standa fyrir plöntuskoðunarferð á blómadaginn eru beðnir að láta vita á póstfangið hkris@nett.is svo hægt sé að fylgjast með hver þátttakan er á hverjum stað. Taka þarf fram hvar fólk á að mæta, og á hvaða tíma dagsins. Gjarnan mættu einnig fylgja með upplýsingar um hvað markverðast er að sjá á því svæði sem skoðað verður. Upplýsingum verður safnað saman hér á vefsíðuna, ef einhverjir gefa sig fram.

Árið 2018 verður boðið upp á plöntuskoðunargöngur þann 17. júní sem hér segir:

1. Reykjanes, Háibjalli.
Mæting kl. 10:00 við bílastæðið við Háabjalla. Genginn verður hringur um skógræktina í Háabjalla og að Snorrastaðatjörnum. Í göngunni munu gestir fræðast um náttúruna, plöntur, og hjátrú tengda þeim. Leiðsögn: Ásta Davíðsdóttir, landvörður hjá Umhverfisstofnun.
Fjöldi gesta 4. 

2. Reykjavík, Ægissíða.
Mæting kl. 10 að morgni 17. júní við bílastæði leikskólans Sæborgar við Starhaga. Gengið verður um Ægissíðuna. Leiðbeinandi er Hjörtur Þorbjörnsson. Gönguferðin er samstarfsverkefni Grasagarðs Reykjavíkur, Reykjavík iðandi af lífi og Flóruvina.
Fjöldi gesta: 20.

3. Strandir, Sævangur.
Mæting kl. 14 við Sævang. Genginn verður hringur um holt og móa. Leiðbeinandi er Hafdís Sturlaugsdóttir. Gönguferðin er samvinnuverkefni Náttúrubarnaskólans, Náttúrustofu Vestfjarða og Sauðfjársseturs í Sævangi.

4. Akureyri, Krossanesborgir.
Mæting kl. 10 að morgni 17. júní við bílastæði Krossanesborga norðan við Byko. Gengið verður um Krossanesborgir. Leiðsögn: Sigurður Arnarson.
Fjöldi gesta 25, + tveir að auki daginn áður.

 



Flóruvinir standa fyrir degi hinna villtu blóma, og veita leiðsögn sem sjálfboðaliðar. Ýmsar stofnanir hafa stutt og staðið  með flóruvinum að þessum degi á hverjum stað fyrir sig undanfarin ár.

Gestafjöldi árið 2013 var samtals 165 á 14 stöðum, en það er metfjöldi gesta frá upphafi.

.

Mæting kl. 11:00 á bílastæðinu norðan við ByKo. Gengið verður inn í Krossanesborgir. Leiðsögn: Hjördís Haraldsdóttir og Sesselja Ingólfsdóttir.

´+