Fjallafræhyrnan er fagurgrænni, með styttri krónublöð og kúptari bikarbotn en músareyrað. Myndin er tekin uppi á Skógaheiði, Austur-Eyjafjöllum árið 1986
Fjallafræhyrnan er fjölær jurt með marga jarðlæga eða uppsveigða blaðsprota og blómstöngla. Stönglarnir eru loðnir, einkum þéttloðnir efst. Blómin eru fimmdeild, 1-1,5 sm í þvermál. Krónublöðin eru hvít, klofin í endann, oftast um þriðjungi lengri en bikarblöðin. Bikarblöðin eru 6-8 mm löng, egglaga eða breiðlensulaga, odddregin, kirtilhærð, himnurend. Fræflar eru tíu, ein fræva með fimm stílum. Aldinið er um 8-10 mm langt tannhýði með tíu tönnum. Fræin eru gulbrún, um 1 mm í þvermál. Bikarinn, bikarblöðin og aldinið öll hlutfallslega styttri og breiðari en á músareyra. Laufblöðin eru gagnstæð, stilklaus, öfug-egglaga eða oddbaugótt, 0,8-1,5 sm löng og 4-8 mm breið, töluvert loðin, einkum á röndunum.
Fjallafræhyrnan er fagurgrænni, með styttri krónublöð og kúptari bikarbotn en músareyrað. Myndin er tekin uppi á Skógaheiði, Austur-Eyjafjöllum árið 1986