er innflutt tegund
sem ræktuð hefur verið til skrauts í skrúðgörðum. Hún virðist vera mjög
harðgerð, og ef hún sleppur út úr görðum út í læki eða votlendi, þá
breiðist hún auðveldlega út og lifir af hina íslensku veðráttu án
umhirðu. Hún hefur þegar á allmörgum stöðum úti um landið myndað nokkrar
staðbundnar breiður.
Blómin eru fagurgul með mörgum, dökkrauðum punktum. Þau eru pípulaga
neðan til en breiða úr sér og eru varaskipt efst. Bikarinn er 1,5-2 sm á
lengd, grænn, skakkur, tenntur, og er efsta bikartönnin stæri en hinar.
Laufblöðin eru egglaga til hjartalaga, 5-6 sm löng, hárlaus og
óreglulega gróftennt, þau neðri stuttstilkuð.
Auk tegundarinnar Mimulus guttatus er tegundin Mimulus
luteus einnig í ræktun hér, og þær blandast einnig auðveldlega og
mynda kynblendinga. Vera má að sumar þær plöntur sem dreifst hafa út í
náttúruna tilheyri þeirri tegund fremur en M. guttatus.
Myndin af apablómi er tekin
á Þorvaldseyri undir Eyjafjöllum þann 30. júlí árið 2008, en þar vex
hún meðfram læk.
