Silfurhnokki

Bryum argenteum

er algengur mosi um allt land. Hann er einkum þekktur fyrir að vaxa í götum og rifum á milli gangstéttarsteina. Hann er því algengur bæði í miðborg Reykjavíkur og miðbæ Akureyrar. Einnig vex hann í klettum og fuglabjörgum. Þetta er afar smár og fíngerður mosi, sprotarnir eru grannir en standa þétt og mynda því nokkuð samfellda, slétta, silfurlitaða eða grágræna skorpu. Hér til hliðar má sjá silfurhnokka fylla gangstéttarrifu fyrir utan dvalarheimilið á Kjarnalundi við Akureyri, en þar fyrir neðan er nærmynd af silfurhnokkasýni tekin í plöntusafni Náttúrufræðistofnunar á Akureyri.

Silfurhnokki við dvalarheimilið á Kjarnalundi á Akureyri, í júní 2002. Svona birtist hann okkur oftast, í rifum milli gangstéttarhellna.

Silfurhnokki í ágúst 2002, hér hafa sprotarnir verið teknir í sundur, svo þeir sjáist betur.

Flóra Íslands - Mosar

Silfurhnokki

Bryum argenteum