Dagur hinna villtu blóma 16. júní 2013

Árið 2013 var boðið upp á plöntuskoðunarferðir sem hér segir:
1. Reykjavík - Viðey. Mæting í Viðey kl. 12:30. Þátttaka í göngunni er ókeypis, en gestir þurfa að greiða ferjutoll til að komast þangað (fullorðnir: 1000 kr. og börn 7-15 ára: 500 kr.). Brottför til Viðeyjar frá gömlu höfninni kl. 12 og Skarfabakka kl. 12:15. Leiðsögn: Hjörtur Þorbjörnsson. Fjöldi gesta: 49.
2. Borgarnes. Mæting kl. 10:00 við fólkvanginn Einkunnir, vestast í landi Hamars við Borgarnes. Leiðsögn: Guðrún Bjarnadóttir og Hilmar Már Arason. Fjöldi gesta: 20.
3. Hvanneyri. Mæting kl. 14:00 við kirkjuna á Hvanneyri. Leiðsögn: Björn Þorsteinsson. Fjöldi gesta: 1.
4. Skorradalur. Mæting kl. 16:00 við Markeyri milli Háafells og Stálpastaða, norðan við Skorradalsvatn innanvert. Skoðaður verður gróður innan og utan skógræktargirðingar og könnuð áhrif sauð-fjárbeitar á gróðurfar. Leiðsögn: Þorvaldur Örn Árnason, Ragnheiður Elísabet Jónsdóttir og Jóhanna Berghild Hergeirsdóttir. Boðið er upp á jurtate, tínt á staðnum. Fjöldi gesta: 4.
5. Ólafsdalur við Gilsfjörð. Mæting kl. 14:00 við gamla landbúnaðar-skólann í Ólafsdal. Genginn verður hringur um svæðið, að grunni gamla tóvinnuskólans, meðfram ánni og aftur heim í Ólafsdal. Leiðsögn: Halla Steinólfsdóttir. Fjöldi gesta: 6
6. Látrabjarg - Vesturbyggð. Mæting við vitann á Bjargtöngum kl. 14:00. Gengið verður um brúnir Látrabjargs og til baka um Seljadal sem hefur að geyma fjölbreyttari flóru og merkar mannvistaleifar. Fremur auðveld ganga sem tekur um 2 klst. Leiðsögn: Hákon Ásgeirsson landvörður. Fjöldi gesta: 2.
7. Ísafjörður. Mæting við Melrakkasetrið í Súðavík kl. 11:00. Leiðsögn: Kristjana Einarsdóttir og Cristian Gallo. Fjöldi gesta: 6.
8. Hólmavík. Mæting við sundlaugina á Hólmavík kl. 11:00. Áætlað er að ganga meðfram sjó við Hólmavík. Leiðsögn: Hafdís Sturlaugsdóttir. Fjöldi gesta: 3.
9. Siglufjörður. Mæting kl. 10:00 innst í Hólsdal þar sem vegurinn endar að vestanverðu. Gengið verður þaðan inn í tunguna milli Selár og Blekkilsár. Sterkir skór eða stígvél æskileg, því ganga þarf yfir snjó. Gróður snjódældanna skoðaður, að svo miklu leyti sem hann er kominn undan snjó. Leiðsögn: Hörður Kristinsson. Fjöldi gesta: 14.
10. Akureyri, Krossanesborgir. Mæting kl. 11:00 við bílastæðið norðan við BYKO. Leiðbeinendur: Hjördís Haraldsdóttir og Sesselja Ingólfs-dóttir. Fjöldi gesta: 29.
11. Ásbyrgi. Mæting kl. 14:00 við Gljúfrastofu. Leiðsögn: Árni Björn Árnason landvörður. Fjöldi gesta: 0
12. Neskaupstaður. Mæting kl. 10:00 á bílastæðinu við fólkvanginn. Gengið verður út í fólkvang Neskaupstaðar um Haga, Urðir og upp í Skálasnið. Gangan tekur um 1½ til 2 tíma. Leiðsögn: Erlín Emma Jóhannsdóttir og Gerður Guðmundsdóttir. Fjöldi gesta: 12.
13. Fáskrúðsfjörður. Mæting kl. 10:00 við Selá rétt fyrir utan Eyri á suðurströnd Fáskrúðsfjarðar. Gengið verður upp með Selánni í samstarfi við Göngufélag Suðurfjarða. Leiðsögn: Líneik Sævarsdóttir. Fjöldi gesta: 14.
14. Skaftafell. Mæting kl. 11:00 við Skaftafellsstofu. Leiðsögn: Hrafnhildur Ævarsdóttir, landvörður. Fjöldi gesta: 5.

Gestafjöldi 2013 samtals 2013: 165.