Melagambri

Skeggmosaætt	Melagambri	Grimmiaceae
Melagambri (Racomitrium ericoides) er einn af allra algengustu mosum á Íslandi. Hann vex um allt landið, jafnt á hálendi sem á láglendi. Hann vex oft á melum, í klettum, á áreyrum og jökulaurum, einnig í mólendi. Hann velur sér oft snjóþyngri staði en hraungambrinn, t.d. fremur í dældum þeirra hrauna þar sem hraungambri þekur bungurnar. Hann hefur víðari útbreiðslu á hálendinu en hraungambrinn, þekur til dæmis oft heilar fjallshlíðar á sunnanverðu hálendinu. Melagambrinn þekkist frá hraungambranum meðal annars á því, að hároddur blaðanna er miklu styttri en á hraungambra.
Myndin af melagambra er tekin í Krossanesborgum við Akureyri í ágúst 1988.

Skeggmosaætt