Haddmosaætt

Gráhaddur

Polytrichaceae

Gráhaddur (Polytrichum piliferum) er nokkuð algengur um landið, en þó virðast eyður í útbreiðslu hans á Norðurlandi.   Hann vex einkum í sendnum jarðvegi, hraunum og yfir klöppum, eða í skurðbökkum. Myndin hér að neðan er af karlplöntu, sem ekki þroskar gróhirzlur.   Á myndinni má sjá græna laufsprota og rauðgula, skálarlaga karlknappa, en í þeim myndast frjóhirzlur mosans.

Myndin er tekin á Skollholti við Grundartanga í Hvalfirði 30. maí árið 1997.