Dagur hinna villtu blóma 2011
|
|
19. júní 2011
|
|
|
Bláklukkulyng |
Sólblóm |
Dagur hinna villtu blóma var haldinn sunnudaginn 19. júní árið 2011. Þann dag gafst fólki víðs vegar um landið kostur á að fara í tveggja tíma gönguferð um nágrenni sitt án endurgjalds, og fá leiðsögn um algengustu plöntur sem þar vaxa. Í þetta sinn mættu 134 gestir í 17 skoðunarferðum. Kuldi við norðurströndina og sums staðar súld mun hafa dregið úr þátttöku. Árið 2010 voru alls 211 gestir í 16 skoðunarferðum. Neðst á þessari síðu er tengill inn á síður fyrri blómadaga, allt frá árinu 2004 þegar hann var fyrst haldinn hér á Íslandi. Árið 2012 ber Dag hinna villtu blóma upp á 17. júní.
Árið 2011 voru ferðir skipulagðar sem hér segir:
1. Laugarás, Reykjavík: Mæting á Laugatungutorgi við aðalinngang Grasagarðsins í Laugardal kl. 11:00. Gengið upp á Laugarás, þar sem gróðurfar er fjölbreytt. Fjallað um gróður svæðisins og plöntur greindar. Leiðsögn: Hjörtur Þorbjörnsson. Fjöldi gesta: 31.
2. Grafarvogur, Reykjavík: Mæting á bílastæðinu við Eiðið út að Geldinganesi kl. 13:30. Leiðsögn: Ríkharð Brynjólfsson. Fjöldi gesta: 6.
3. Þjóðgarðurinn Snæfellsjökull: Mæting á Búðum kl. 14:00. Leiðbeinandi: Hákon Ásgeirsson, landvörður og náttúrufræðingur. Fjöldi gesta: 8.
4. Snæfellsnes: Mæting við Klofningsrétt sunnan Burstahrauns kl. 9:30. Leiðsögn: Skúli Alexandersson. Fjöldi gesta: 5.
5. Snæfellsnes: Mæting í Skarðsvík norðan Neshrauns kl. 13:30. Leiðsögn: Skúli Alexandersson. Fjöldi gesta: 5.
6. Fagridalur, Skarðsströnd. Mæting við Ytri Fagradal kl. 16:00. Gengið niður túnin að ströndinni, og eftir henni áleiðis til Nýpur og síðan upp Nýpurtúnin og lýkur göngunni að Nýp. Leiðsögn: Þóra Sigurðardóttir og Halla Steinólfsdóttir. Fjöldi gesta: 7.
7. Hólmavík: Mæting við flugstöðina á Hólmavík kl. 10:30. Gengið um Kálfanesland og yfir í Stakkamýri. Leiðsögn: Hafdís Sturlaugsdóttir. Fjöldi gesta: 1.
8. Dalvík, Náttúrustöðin á Húsabakka: Mæting við Olís á Dalvík kl. 13:00. Gengið um Hrísahöfða. Leiðsögn: Hjörleifur Hjartarson. Fjöldi gesta: 1.
9. Krossanesborgir, Akureyri. Mæting við nýja bílastæðið norðan við BYKO kl. 10:00. Gott að hafa stígvél meðferðis fyrir þá sem vilja skoða mýragróðurinn. Leiðsögn: Elín Gunnlaugsdóttir, grasafræðingur. Fjöldi gesta: 4
10. Fosshóll við Skjálfandafljót. Mæting við verslunina á Fosshóli kl. 10:00. Leiðsögn: Hörður Kristinsson, grasafræðingur. Fjöldi gesta: 12
11. Vatnajökulsþjóðgarður í Ásbyrgi. Mæting við Gljúfrastofu kl. 14:00. Leiðsögn: Guðrún Jónsdóttir, landvörður. Fjöldi gesta: 0.
12. Egilsstaðir - Fellabær. Mæting við þjóðveg 931 rétt utan við Ekkjufell kl. 10:00. Gengið um klettasvæðið, niður að Lagarfljóti og út með því, síðan hringinn til baka. Leiðsögn: Vigfús Ingvar Ingvarsson. Fjöldi gesta: 0
13. Fjarðabyggð. Hólmanes, Fólkvangur - Friðland. Mæting við útskotið á Hólmahálsi kl. 11:00. Gengið um Hólmanesið, en þar er fjölbreytt gróðurlendi og mikil tegundafjölbreytni. Leiðsögn: Líneik Anna Sævarsdóttir og Erlín Emma Jóhannsdóttir. Fjöldi gesta: 20.
14. Vatnajökulsþjóðgarður í Skaftafelli. Mæting við Skaftafellsstofu kl. 13:50. Leiðsögn: Regína Hreinsdóttir. Fjöldi gesta: 9.
15. Sólheimar í Grímsnesi. Mæting við Sesseljuhús - umhverfissetur á Sólheimum kl. 15:00. Leiðsögn Valgeir Bjarnason. Fjöldi gesta: 18.
Auk þessara 15 skoðunarferða sem auglýstar voru, stóð Kristjana Einarsdóttir fyrir göngu á Ísafirði og Helga Davids í Dímu í Lóni. Á Ísafirði mættu 5 gestir í gönguna og í Lóni 2.
Samtals mættu því 134 í öllum göngunum 17.
Flóruvinir standa fyrir degi hinna villtu blóma, og veita leiðsögn sem sjálfboðaliðar. Ýmsar stofnanir hafa stutt og staðið með flóruvinum að þessum degi á hverjum stað fyrir sig, meðal annarra Grasagarðurinn í Laugardal, Ferðafélag Íslands, Ferðafélagið Útivist, Hólaskóli, Landbúnaðarháskóli Íslands, Náttúrufræðistofa Kópavogs, Náttúrusetrið á Húsabakka, Náttúrufræðistofnun Íslands, Náttúrufræðistofur landshlutanna og Umhverfisstofnun.
Flóruvinir og aðrir sem eru reiðubúnir til að standa fyrir plöntuskoðunarferð á blómadaginn eru hér með beðnir að láta vita á póstfangið hkris@nett.is sem fyrst, og endilega fyrir 15. maí næstkomandi. Taka þarf fram hvar fólk á að mæta, og á hvaða tíma dagsins 19. júní.
Gjarnan mættu einnig fylgja með upplýsingar um hvað markverðast er að sjá á því svæði sem skoðað verður. Upplýsingum verður safnað saman hér á vefsíðuna eins og gert hefur verið síðastliðin ár.
Dagur hinna villtu blóma hefur síðan 2004, þegar Íslendingar bættust í hópinn, verið haldinn á öllum Norðurlöndunum ásamt Færeyjum og Grænlandi.