Grasættin

Dúnhafri

Poaceae

Dúnhafri (Avenula pubescens) er hávaxin grastegund sem hefur borizt til landsins á síðari árum. Fyrst var hans getið frá Höfða í Höfðahverfi þar sem Helgi Jónasson frá Gvendarstöðum fann hann á fyrri hluta síðustu aldar. Síðar hefur hann fundizt víðar, einkum er hann að verða útbreiddur á höfuðborgarsvæðinu og á Akureyri. Smáöxin á punti dúnhafrans hafa langar, oft knébeygðar títur eins og sést á myndinni til hægri.

Myndirnar sýna punt (t.v.) og smáöx (t.h.) af dúnhafra, og eru þær teknar sumarið 2005 á Náttúrufræðistofnun Íslands, Akureyri.