Klettburknaætt

Klettaburkni

Aspleniaceae

Klettaburkni (Asplenium viride) er mjög smávaxinn burkni, með einfjaðraðar blöðkur. Miðstilkur blöðkunnar er grænn, og þekkist klettaburkninn á því frá svartburkna sem hefur svipaða blöðku með svörtum miðstreng. Klettaburkninn vex í klettasprungum, og hefur fundizt á fremur fáum stöðum á austanverðu landinu frá Höfuðreiðarmúla við Reykjaheiði í norðri til Fagurhólsmýrar í suðri. Hann er friðaður eins og allir íslenzkir burknar af ættkvíslinni Asplenium.

Myndirnar af klettaburkna eru teknar 27. júní 2002, sú fyrir miðju á Fagurhólsmýri, en sú til hægri í Kvískerjum