Serksætt

Gráserkur

Amanitaceae

Gráserkur eða öðru nafni fjallaskeiðsveppur (Amanita vaginata) er til í nokkrum litarafbrigðum, sem stundum eru taldar sjálfstæðar tegundir.  Hvítt afbrigði er einna algengast til fjalla (snæserkur), en bleikt eða gullgult afbrigði er víða í lyngmóum og skógum norðanlands (gullserkur). Einnig eru til blýgrá og gul afbrigði hér á landi.  Gráserkurinn er talinn ætur, en þarf suðu.  Mörgum er illa við að neyta hans vegna þess hversu líkur hann er hvíta váserknum (Amanita virosa) sem er baneitraður.   Myndin sýnir þrjú mismunandi þroskastig skeiðsveppsins, yngst er hvít kúla í miðju, síðan nýútsprungið eintak til vinstri, og loks fullþroska sveppur til hægri.