Liljuættin

Villilaukur

Liliaceae

Villilaukur (Allium oleraceum) var fluttur til landsins fyrir alllöngu síðan og vex aðeins á fáum stöðum í túnum og við bæi. Hann ber legglöng, hvítleit blóm sem standa allmörg saman í sveip, sem er umlukinn tveim allbreiðum hulsturblöðum á meðan þau eru að þroskast. Á milli blómanna myndast leggstuttir eða legglausir æxlilaukar á haustin. Blöðin eru grasleit, með laukbragði. Villilaukurinn er friðaður samkvæmt náttúruverndarlögum.

alliuole1g.jpg (74874 bytes)

alliuole2g.jpg (30839 bytes)

 AN-16815.jpg (28381 bytes)
Myndirnar hér að ofan og sú til vinstri eru teknar á Bæ í Borgarfirði seint í júní umarið 2003. Haustmynd af villilauk með  þroskuðum æxlilaukum á milli legglangra blómanna. Tekin á Bæ, 30. ág. 2004.

Nýir, staðfestir fundir eru sýndir með rauðum punktum. Grænir hringir tákna gamlar heimildir um fundarstaði þar sem óvíst er hvort villilaukurinn finnst enn, eða er útdauður.